VISITA DA POLICÍA

Dentro das actividades que organiza o Concello de Arteixo desfrutamos dunha visita que nos encantou, veu a vernos a policía!

A primeira hora unha das policías locais de Arteixo veu á nosa aula a contarnos cousas moi interesantes sobre educación vial, ensinarnos  un conto e explicarnos como debemos de comportarnos se hai unha emerxencia ou si se acercan a nós descoñecidos.

Despois do recreo seguiron as actividades e nesta ocasión fixemos un circuíto coas nosas motos do patio para aprender a respectar as normas de tráfico. Foi moi divertido!!

Nestes vídeos podedes ver o ben que conducimos!!

Ademais do circuíto tamén nos encantou ver un coche de policía de verdade!! Ensináronnos como era por dentro, como soaba a sirena e vimos tamén varios materiais que usan os policías como esposas, porras, sinais luminosas...

Convertémonos en policías de verdade, mirade que guapos!!

Unha actividade xenial!!!

CUMPLE DE AITANA

Hoxe celebramos o cumple de Aitana!! Xa ten 4 anos e invitounos a un rico biscoito para merendar! PARABENS Aitana!!

SAÍDA Ó ACUARIO!!

Hoxe tivemos a nosa primeira "excursión de verdade", hoxe fomos en bus ata A Coruña para visitar a Casa dos Peixes!!

Estabamos moi emocionados, e levábamos moitos días preguntando cando chegaba o momento, e por fin  chegou!!

Mirade que contentos saímos do cole:

Todos preparados no autobús!!

E chegamos, xa estamos no Acuario!!

 Aquí vos deixo un pequeno vídeo do ben que o pasamos e de todo o que vimos alí!!

Foi un día moi divertido, e aínda que chegamos un pouco cansados mereceu a pena!!

DÍA DA MULLER

O Día 8 de marzo conmemorouse o día internacional da Muller, unha data  fundamental que na clase dos unicornios non quixemos pasar por alto.

Desexamos un mundo onde todos e todas sexamos iguais e non haxa ningunha diferencias por culpa do xénero.

Sexamos bombeiros/as ...

Sexamos cociñeiros/as...

Sexamos albaneis...

Sexamos futbolistas...

Os unicornios queremos un mundo en igualdade!!

VENRES DE ENTROIDO

Chegamos ó día grande do Entroido no cole, e xa que estamos tan motivados co noso proxecto sobre os Masais, a temática non podía ser outra: vestímonos de Masais africanos!!

Estivemos varios días preparando todos os complementos:

Fixemos pulseiras e  colares grandes parecidos ós que levan eles, e pintámolos con moito coidado:

  

 Pero tamén fixemos outros colares máis longos, xa que os Masais levan moitos diferentes e todos moi coloridos. Estes fixémoslos usando macarróns que pintamos dunha forma moi curiosa que nos encantou!! Meténdoos en bolsas con pintura e movéndoos con moito ritmo!

Este foi o resultado, agora a facelos colares:

Os disfraces xa estaban listos, agora só queda lucilos así de ben, mirade que Masais tan guapos!!!

Chegou o día do desfile, estábamos un pouco nerviosos pero emocionados por poder ensinar os nosos disfraces! 

O bo día acompañounos en Arteixo así que saímos a desfilar polo pobo acompañados de todo o cole:

   

   

Despois de un bonito paseo chegamos ó anfiteatro de Arteixo onde todos os cursos do cole cantaron e bailaron diferentes danzas tribais:

Foi unha mañá moi diferente e pasámolo xenial, pero despois de tanto paseo  o que máis nos apetecía era unha rica merenda de Entroido!!