Como se acerca o día da familia, no cole quixemos facer unha actividade na que as familias dos nosos nenos/as participasen na aula e puidesen pasar un ratiño con nós dentro dela.
Os familiares que podían vir elexiron a actividade que eles quixeron para realizar cos nenos/as e foi unha experiencia estupenda!
Aquí vos deixo un pequeno resumo de como foron estas semanas de visitas familiares:
A NAI DE TEO: veu a contarnos o conto "A eiruga glotona", e trouxonos un debuxo da protagonista para que pintáramos:
A NAI DE EMMA: ensinounos diferentes animais e clasificámolos segundo o medio no que viven.
A NAI DE ROI SIXTO: leunos o conto de "Cocorico" e igual que fai mamá Galiña, ensinounos a facer un biscoito que despois merendamos.
O PAI DE MATEO: contounos un conto que nos encanta porque nos rimos moito con el "A toupiña quería saber quen lle fixera aquilo na cabeza"
Que risa co sombreiro de caca igual que a toupiña…e ademáis traía unha caixiña con sorpresas!!
A NAI DE LARA: leunos un conto sobre a familia do Ratonciño Pérez e trouxonos uns debuxos para colorear a toda a familia Pérez.
A NAI DE ROI LÓPEZ: contounos un conto do elefante "Elmer" e despois cada un coloreou un Elmer co que fixemos uns colares preciosos.
A NAI DE MARTINA: veu a contarnos o conto de "Carapuchiña vermella" e ademáis de disfrazarse e facernos bailar moito, merendamos fresas da merenda da avoa.
A experiencia foi estupenda, os unicornios disfrutaron moito vendo as suas familias no cole e eu creo que as familias gozaron aínda máis! Grazas pola participación!!!