Este ano evidentemente non podemos celebrar o Nadal como en cursos pasados, pero iso non nos quita as ganas e a ilusión, e a clase dos Unicornios está disposta a desfrutar a tope!!
Comezamos a celebración coa visita do Paxe Real que veu ó noso cole para recoller as cartas nas que pedimos os regalos que máis nos gustan:
Despois desta visita tan emocionante celebramos o comezo das vacacións e a chegada do Nadal cunha rica chocolata!!!
A Anpa convidounos a merendar chocolate con churros para despedir o trimestre da forma máis doce:
Pero non todo foi comer, tamén bailamos moito e divertímonos gravando esta panxoliña "marchosa" de Nadal con todos os nosos amigos/as de Infantil!!
Esperamos que vos guste o vídeo:
E despedimos a celebración do Nadal cunha felicitación conxunta de todo o Ceip de Arteixo, desexándovos unhas felices festas e recordando que aínda que os tempos están sendo difíciles, nunca temos que perder a ilusión:
A clase dos Unicornios deséxavos Felices Festas!!!!!
Despois dun comezo de curso complicado e dun ano máis complicado aínda por fin se acerca o Nadal e os Unicornios temos ganas e ilusión de celebralo o mellor que podamos!
Comezamos preparando unha bonita estreliña de Nadal que levaremos para decorar as nosas casas e regalárlles ás nosas familias:
Así de bonitas nos quedaron:
Estas estrelas levarémolas para a casa o último día de cole xunto cos traballos do trimestre e para iso elaboramos estas divertidas bolsas de reno onde meteremos todo o material.
Cada día os equipos da aula traballan diferentes actividades manipulativas que van rotando ó longo da semana.
Aquí vos deixo un exemplo de un día desta semana na que traballaron cada unha delas.
Actividade de Arte: pintamos e creamos unha obra de arte con acuarelas.
Actividade de Lóxica- matemática: elaboramos diferentes figuras con paus de cores seguindo un modelo.
Actividade de Letras e Lectoescritura: traballamos palabras en minúsculas usando letras magnéticas:
Actividade de Motricidade Fina: xogamos con pinchiños libremente.
Actividade de Robótica e xogos manipulativos: foi a novidade de esta semana. Coñecemos ó noso novo amigo"Super Doc", un robot co que traballamos lateralidade, direccións e nocións espacio temporais:
A partir deste fin de semana xa están expostas nos comercios de Arteixo as "Máscaras solidarias" que elaboramos na aula colaborando coa iniciativa do Concello para a recollida de alimentos.
As máscaras da nosa clase están en "General Óptica Arteixo".
A mecánica é a mesma que outros anos coas postais, para recollelas debedes entregar algún alimento para doar ó Banco de alimentos Rías Altas.
Recordade que estas máscaras son simbólicas, non levan os procesos de desinfección nin homologación adecuados son soamente decorativas.
Deixovos o listado onde están todas as máscaras do noso centro:
Este xoves día 3 de decembro conmemorouse o Día Internacional das persoas con discapacidade e traballámolo na aula con diferentes actividades.
Partimos do conto "O cazo de Lorenzo" para tratar este tema e a través del falamos da importancia da integración e inclusión das persoas con algún tipo de discapacidade.
Tamén pintamos unhas pegatinas sobre este día, que despois cada neno/a pegou nalgunha parte do seu corpo.
Con todo o que aprendimos fixemos uns debuxos nos que cada un/unha plasmou o falado durante este día e a súa forma de interpretalo: