LUNS 8 DE FEBREIRO

Bo día a todos/as!

Hoxe foi un día de presentacións. Para iso, comezamos facendo un xogo de adiviñas para saber cal era o nome da profe que substitúe a Belén. Despois de que dixeran as súas propostas, fomos eliminando posibilidades a través das pistas aportadas (letra inicial e final, número de sílabas e letras...) e cando soamente nos quedaban dúas posibilidades realizouse unha votación. Finalmente gañou o verdadeiro nome: Laura. 

Continuamos coa asemblea, practicando co método ABN e a lectoescritura. 

Para seguir coñecéndonos mellor, realizouse unha actividade plástica e lingüística onde debuxaron, decoraron e falaron sobre as súas amizades. Aquí vedes unha mostra: 

Á volta do recreo, despois dun día de tantas novas, fixemos uns exercicios de respiración e relaxación e lemos o conto do Coelliño Branco que lles encantou.

Podedes ver estas actividades nos seguintes enlaces:

Ioga infantil 

O coelliño branco

Para rematar a xornada, retomamos as presentacións e fixemos un xogo de palabras buscando unha que comezase coa inicial do nome e que nos aportase información sobre nós. A maioría dixeron os seus animais favoritos!

TRABALLAMOS DENDE A CASA. LUNS 1 DE FEBREIRO

 Bo día a todos/as!

Estas son as tarefas de hoxe, nas que traballaremos coma sempre a asemblea, e tamén o enlace para facer diferentes xogos de ABN practicando reparto, recta numérica...

Ademáis faremos unha ficha sobre a lateralidade diferenciando dereita e esquerda e outra dun puzzle de inverno no que ademáis de recortado practicamos a serie numérica do 11 ó 20.

 A asemblea e os xogos ABN poden facerse no ordenador, tablet ou móvil de forma interactiva. E as fichas podedes tomalas como exemplo e facer vós unhas parecidas. Para facer o puzzle podedes usar calquera debuxo ó que lle debuxades as liñas e os números.

   

TRABALLAMOS DENDE A CASA. VENRES 29 DE XANEIRO

Bo día familias!!

Hoxe conmemoramos o Día escolar da non violencia e a Paz, e as tarefas de hoxe tenen que ver todas con esta temática xa que é un día moi importante que temos que destacar e traballar en profundidade.

Coma tódolos venres temos clase de inglés e a profe Tere deixounos o enlace ó seu blogue para realizar alí as actividades que preparou.

E nós, ademáis da asemblea de tódolos días, faremos unha "receita de paz" e elaboraremos un colgante moi bonito.

Aquí vos deixo o documento con tódolos enlaces:

   

Aquí vos deixo tamén un recordo da conmemoración do Día da Paz do curso pasado, cando nos podíamos xuntar, abrazar...esperemos que pronto se poda repetir.

TRABALLAMOS DENDE A CASA. XOVES 28 DE XANEIRO

 Bo día a todos/as!!

Estas son as tarefas para traballar hoxe xoves.

Coma tódolos días comezamos coas rutinas da asemblea, hoxe introducimos nela a serie numérica ata o 20 e a lectura de palabras.

Despois faremos un traballo de lóxica-matemática para traballar cantidades e outro de lectoescritura sobre a letra "t".

Ademáis do conto, como hoxe é xoves temos unha actividade de Atención Educativa que nos manda a profe Patri.

  

TRABALLAMOS DENDE A CASA. MÉRCORES 27 DE XANEIRO

 Bo día familias!

Espero que estedes todos/as ben e que pronto nos podamos ver.

Aquí vos deixo as tarefas de hoxe mércores.

Coma sempre comezaremos o traballo coas rutinas da asemblea tal e como facíamos na aula. No enlace que vos adxunto podedes facela de forma interactiva.

A continuación traballaremos actividades de matemáticas a través do método ABN , tanto de reparto de cantidades como de coñecemento da recta numérica.

Realizaremos unha ficha de lectoescritura para seguir repasando as letras minúsculas que vimos na clase. E remataremos a xornada co conto do día e unha actividade sobre o Día da Paz, que xa está moi cerquiña.

  

TRABALLAMOS DENDE A CASA. MARTES 26 DE XANEIRO

 Bo día a todos!

Aquí vos deixo as tarefas de hoxe. 

Hoxe coma tódolos días faremos a asemblea de forma interactiva, e tamén traballaremos a lóxica matemática e a lectoescritura. Como é martes e temos clase de psicomotricidade, o profe Quique déixanos tamén unhas actividades para non parar de movernos!

  

TRABALLAMOS DENDE A CASA. LUNS 25 DE XANEIRO.

 Bo día familias!! 

Como xa sabedes tócanos estar uns días na casa coidándonos moito e como xa fixemos o curso pasado durante o confinamento seguiremos traballando dende alí.

Aquí vos irei deixando as tarefas para seguir traballando estes días.

Estas son as tarefas de hoxe luns 25 de xaneiro.

Hoxe traballaremos a asemblea como tódolos días na aula, farémolo de forma interactiva a través do enlace que aparece no documento.

Tamén realizaremos varios exercicios de ABN, sobre reparto, conteo e conceptos como "dobre" e metade".

Faremos unha ficha repasando a recta numérica e elaboraremos un Tangram co que crearemos animais.